Nagdangat na sa P6.6 million ang balor sang halit sa sektor sang agrikultura sa Albay tuga sang padayon nga pag-alburoto sang bulkan Mayon.
Santo sa datos sang Provincial Agriculture Office, tuman nga naapektohan ang mga humayan kag iban pa nga high-value crops sa mga banwa sang Camalig, Guinobatan, kag Daraga.
Naglab-ot naman sa 87 ka mga mangunguma sang palay ang direkta nga apektado sang kalamidad.
Dako man nga halit ang gintuga sang madamol nga ashfall naggikan sa bulkan, nga nagtabon sa mga pananom kaangay sang talong, sili, okra, kag mais.
Madamo sa mga ini ang malapit na kuntani anihon.
Santo sa mga opisyal, nalaya ang mga pananom kag indi na mapuslan pa.
Padayon naman nga ginabantayan sang mga otoridad ang sitwasyon samtang nagapabilin sa Alert Level 3 ang Mayon Volcano, nga nagakahulugan nga posible pa liwat nga magbuga sang abo, lava, kag iban pa nga volcanic activities.
