Ginpahayag sang anay provincial agriculturist sang probinsya sang Negros Occidental nga ikapito sa Top 10 nga plastic polluted nga suba sa bug-os nga kalibutan ang yara sa Pilipinas.
Ini ang ginpahayag may kaangtanan sa pagsaulog sang World Oceans Day sang Sabado Hunyo 8 kag Coral Triangle Day kahapon, Hunyo 9.
Sa interview sang Bombo Radyo Bacolod kay Atty. Japhet Masculino, ang mga plastic nga nagakadto sa suba kag kadagatan ang may dako nga epekto sa mga isda kag sa mga coral reefs.
Suno kay Masculino, ang mga corals ang ginakuhaan sang pagkaon sang mga isda ang apektado sang mga plastics nga ginahaboy sa dagat.
Suno diri, may yara na sang mga pagtuon nga may nakita na nga micro plastics sa mga isda nga ginakaon sang mga tawo.
Suno sa anay provincial agriculturist dapat nga ang mga tawo na mismo ang magadisiplina sa kaugalingon sa paglikaw sa paghaboy sang basura ilabi na ang mga plastic sa dagat.
Suno kay Masculino, kun ano ang ginahimo sang tawo sa nature, ginabalik man ini sa iya.
Ginpahayag man sini nga ang Pilipinas nadala man matuod sa Top 10 apang sa pinakamadamo pa nga plastic polluted nga mga suba.
