Nagdangat sa kapin P100 mil ang balor sang halit nga ginbilin sang sunog nga nagluntad sa Purok Malinao, Barangay 1, ciudad sang Bacolod sang Sabado sang gab-i.
Sa interview sang Bombo Radyo Bacolod kay Senior Fire Officer 4 Archie G. Españo, pinuno sang Investigation and Intelligence Unit sang Bacolod City Fire Station, apat ka balay ang totally damage samtang naman ang partially damaged.
Suno kay Españo, santo sa natipon nila nga ebidensya kag nakita nila sa fire pattern, nagsugod ang kalayo sa balay nga ginarentahan ni Raffy Ragono nga ginapanag-iyahan ni Sonia Meliganio.
Suno diri, nakita sa imbestigasyon nga ang kalayo ang naghalin sa second floor sang balay ni Meliganio sa kusina nga bahin kag may nakita sila nga butane canister.
Suno kay Españo, ang gintunaan sang kalayo amo ang paglupok sang butane.
Ang butane ang ginrefillan sang LPG kun sa diin indi puede bangud wala ini sang approval sang Department of Energy
