Nagdangat sa P14 million ang halit nga gintuga sang sunog nga nagluntad sa Upper East Megaworld, Barangay Villamonte, Bacolod City kahapon.
Suno kay Fire Officer 2 Rolin Paulan, officer investigator on case, nagsugod ang kalayo alas 2:15 sang hapon sa plumming area sang isa ka establishmento nga ginapanag-iyahan sang Multitrade Corporation.
Sa pagtsekyar sang Bureau of Fire Protection sa area, may narecover sila nga mga electrical conductors kag may presensya sang mga chemical kag solvent nga amu ang ginalantaw nga nagpalapta sang kalayo.
400 square meters ang kalaparon sang area nga nahalitan sang sunog kag nagdangat ini sa balor nga P14 million.
Gindeklarar sang BFP nga under control ang sunog alas 2:34 sang hapon, nafire out alas 2:55 sang hapon kag nagdangat sa second alarm.
Wala naman sang may nasamaran ukon napilasan sa insidente.
