Nagpabutyag sang pagpasalamat si Vice President Sara Duterte bangud sa nagapadayon nga suporta sang mga Filipino sa iya pamilya kadungan sang pagselebrar sang amay sini nga si former President Rodrigo Duterte sang ika-80 nga kaadlawan.
Sa isa ka statement, ginpasalamatan ni Vice President Sara Duterte ang mga Filipino sa Pilipinas, the Netherlands kag iban pa nga bahin sang kalibutan nga nagtipon agud iselebrar ang kaadlawan sang anay Presidente kag agud pangamuyuan ang iya kahilwayan.
Suno diri, tuman ka dako nga butang para kay Duterte ang pagtililipon sang mga ini para sa iya pagpauli kag kaadlawan.
Nagapasaamat ini bangud ini ang nagapamag-an sa kabudlayan nga ginapangatubang sang iya amay sa karun.
Nagpangayo man si VP Sara sang pagpangamuyo para sa kahilwayan kag malawig nga kabuhi sang iya amay.
