Naka-blue alert status na ang Negros Occidental Provincial Disaster Risk Reduction and Management Council matapos nga ginpasaka sa Alert Level 2 ang paglupok sang Mt Kanlaon.
Alas- 6:51 kagab-i, nagbuga sang plume ang bulkan nga naglapta sa kapin sa 5,000 meters.
Nagdugay sa kapin sa anum ka minutos ang eruption kun sa diin nabatyagan ang paglinog antes ang paglupok.
Pila ka mga residente ang gin-evacuate ilabi na gikan sa mga barangay nga malapit sa bulkan.
Naeksperyensyahan ang pagbubo sang ulan nga may lutak kag pag-usbong sang baho sang asufre.
Naeksperyensyahan naman ang ashfalls sa Canlaon City, La Castellana, La Carlota, Pontevedra, Bago City, Valladolid, San Enrique, Hinigaran, Binalbagan, kag San Carlos City.
Padayon sa karun ang monitoring kag operation sa areas nga apektado.
Suno kay Irene Bel Ploteña, pinuno sang Negros Occidental Provincial Disaster Management Program Division (PDMPD), nagakoordinar sila sa mga LGUs para sa gilayon nga paghatag sang asisstance.
Naghatag man ini sang abiso sa mga residente nga magkalma kag mamati sa mga advisories gikan sa mga opisyal nga ahensya.
