Pila ka mga hinampang ang ma-miss sang Filipino professional basketball player nga si Kai Sotto matapos magisi ang iya Anterior cruciate ligament (ACL) sa tuhod.
Ginkumpirmar sang player ang injury sini matapos mapierde ang iya team nga Koshigaya batok sa Mikawa sa Japan B. League.
Suno sa iya, masubo ini nga hitabo para sa iya sa pag-umpisa sang bag-ong tuig.
Bangod sa injury, mahimo sini nga ma-miss ang upcoming campaign sang Gilas Pilipinas sa third kag final window sang 2025 FIBA Asia Cup Qualifiers, kun sa diin makontra sang Filipino team ang Chinese Taipei kag New Zealand sa two away games.
Ang 22 anyos nga player ang nabutang sa injury list sang Koshigaya kag indi man ini makahampang sa B. League Asia rising Star Games sa Enero 18.
Samtang, nagpahayag naman si Gilas Pilipinas head coach Tim Cone nga indi na nila pag i-extend ang pool para sa upcoming games kun sa diin kuntento na ang team sa mga players nga may yara ini sa karun.
