Nadismaya ang Bacolod City administrator bangud apat pa lang ka departamento ang nagturn-over sang mga television sets nga ginpangkakas kasunod sang mando ni Bacolod City Mayor Alfredo Benitez matapos nga nakuhaan sang litrato ang pila ka mga empleyado sang City Treasurer’s Office nga nagalantaw sang TV samtang office hours kag ginpasa sa alkalde sang tinalikdan nga bulan.
Sa interview sang Bombo Radyo Bacolod kay Atty. Pacifico Maghari, ginahulat pa sini ang report sang General Services Offices (GSO) kag personal ini nga wala malipay sa resulta sang ginmando sang alkalde nga iturn-over sang mga opisina sa government center ang mga TV sets nga gin-issue sa mga ini bangud sa 133 ka TV sets, apat pa lang ang nagturn-over kag apat man ang nagrequest sang exception bangud work-related ang paggamit sa mga ini sang TV apang ini ang subject for approval pa.
Natalana naman nga mag-issue liwat sang memorandum agud magremind sang deadline sang tinalikdan nga semana.
Suno diri kun indi pagid macomply, mapilitan ang mga ini nga mag-issue sang Notice to Explain sang ila nga non-compliance.// Suno kay Maghari, ang naka-comply sang pagturn-over sang TV ang City Treasurers Office, Cash Division, Assessors Office kag City Health Office.
Hingyuon man sini ang GSO nga iaccount man kun functional ukon indi ang mga TV sets.
