Nasapwan nga kalabera na lamang ang 19 anyos nga lalaki nga namissing humalin sang Mayo 5 sa Purok 1, Barangay Camansi, Kabankalan City, Negros Occidental.
Ang biktima ang ginkilala nga si Alyas Joejie, single, wala sang trabaho kag residente sang Sitio Bayog, Brgy Camansi, Kabankalan City, Negros Occidental.
Sa interview sang Bombo Radyo Bacolod kay Police Captain Sammy Gasataya, deputy chief of police sang Kabankalan City Police Station, alas- 2:00 sang hapon kahapon, may isa ka residente nga nagakolekta sang kahoy agud igatong sang may napanimahoan ini nga malain.
Ginsundan sini kun diin naghalin ang baho kag nadiskubrehan ang kalabera sang tawo.
Ginkilala naman sang amay mismo sang biktima ang bangkay sang na-identify sini ang bayo, short kag tsinelas sang iya bata.
Suno sa amay, naglakat ang iya bata sang Mayo 5 kag wala na nakapauli pa kag wala man nagcontact sa ila.
Dugang pa sang amay, nagapati sila nga nagasuprer sang depression ang iya bata.
