Gilayon man nga nakilala ang identity sang isa ka kalansay nga nasapwan sa sulod sang kampo sa Sitio Cabiguhan, Barangay Prosperidad sa ciudad sang San Carlos kahapon sang aga.
Ang biktima ang ginkilala nga si Jessie Casiple, 74 anyos kag ginapahayag nga nagasuprer sang Alzheimer’s disease.
Sa interview sang Bombo Radyo Bacolod kay Police Lt. Col. Nazer Canja, hepe sa San Carlos City Police Station, ang kalansay ang natukiban sang mga nagapanguma sa kampo.
Ini ang nareport sa kapulisan kapin ala-1:00 sang hapon samtang gilayon man nga nagkoordinar sa pamilya sang biktima.
Ang kalansay ang positibo nga ginkilala sang bata sini nga si Dodong Casiple, kag suno diri, ang iya amay ang nadula sang bulan pa lamang sang Pebrero.
Ini ang nakilala naman bangod nagmatch ang jersey shirt nga suksok sang kalansay sa panapton sang biktima antes ini madula.
Ginalantaw nga nagpanglakaton ang biktima, apang bangod sa balatian wala na ini nakapauli, nagutman kag nadulaan sang kabuhi.
