Kalansay na sang nasapwan ang 52 anyos nga babayi nga gina-alegar namissing sang Agosto 2025 sa Prk Michelle, Brgy Dulao, Bago City.
Ang kalabera ang nasapwan alas-5:20 kahapon sang hapon sang magulang sang bana sang biktima.
Ini ang nakita sang bayaw kapin 40 metros lamang ang kalayuon gikan sa ila nga balay, sang ini ang makalabay sa area agud kuntani magpahalab sang karbaw.
Positibo naman nga ginkilala sang ila bata nga babayi ang kalansay bangod sa mga panapton nga nakita sa area, nga ginalakipan sang leggings, towel, kag underwear.
Pahayag sang mga ini nga ulihi nga nakita ang biktima sang ini ang maghalin sa ila balay sang Agosto 7, 2025 para kuntani magbayad sa iya loan sa isa ka lending company sa Florence Ville Subdivision, Bacolod City.
Apang sa pagtsekyar sang pamilya sa mga CCTV footage, wala gid makita nga nakalabay ang biktima.
Gindala na sa punerarya ang kalansay, kag ini ang ipaidalom sa post mortem examination kag DNA matching.
