Nasapwan ang tul-an sang lalaki sa Sitio Omot, Brgy. Santol sa banwa sang Binalbagan, Negros Occidental.
Sa interview sang Bombo Radyo Bacolod kay Police Major Randy Babor ang hepe sang Binalbagan Municipal Police Station, ang biktima ang natumod mismo sang himata sang biktima paagi sa iya nga panapton.
Ang biktima ang nagaedad sang 40 anyos kag nagapuyo man sa nasambit nga lugar.
Suno kay Babor, nagabatyag ang biktima sang epilepsy kag ini ang ginapatihan nga nadula sadtong Pebrero 2023.
Suno sa hepe, subong nalamang ini nakita sang nagpanghawan sa katubuhan.
Sang Pebrero sang tinalikdan nga tuig naglakat ang biktima kag mahimo nga gin-atake bangud gingutom kasubong man nga nainit pa kag gin-atake sang balatian./
Wala naman nagpangamo ang himata sang biktima kag ginbululigan nalang palubong.
