Ginpatigayon sang Democrat nga si Kamala Harris ang iya closing pitch para sa US presidency sa isa ka maragtason nga Black church kag sa Arab Americans sa Michigan samtang ang iya Republican rival nga si Donald Trump ang naghatag sang bayolente nga mga tinaga sa isa ka rally sa Pennsylvania.
Ang 60-anyos nga si Harris ang nakaangkon sang makusog nga suporta nagikan sa mga babaye nga botante samtang si Trump naman, 78-anyos, ang nakakuha sang simpatiya nagikan sa Hispanic voters ilabi na sa mga kalalakinhan.
Masobra 78 million na ka mga Amerikano ang nakahimo sini antes ang Eleksyon sa Martes suno sa Election Lab sang University of Florida kun sa diin katunga sang total nga 160 million ka mga boto sang 2020, nga ginakabig pinakamataas sa masobra isa ka century.
