Natalana nga magpatigayon sang memorial service ang Kamara para kay Antipolo City 2nd District Rep. Romeo Acop sa masunod nga semana.
Patigayunon ang memorial service sa Plenary Hall sa Disyembre 29, 2025 alas-10:00 ang takna sang aga.
Antes sini, may patigayunon man nga Requiem Mass alas-9:00 ang takna sang aga.
Si Acop ang napatay sang Disyembre 21 matapos gin-atake sa korason suno sa iya pamilya.
Santo sa report, nasapwan si Acop sang iya agot nga bata nga si Dr. Karla Marie kag iya security aide nga nagahamyangon sa salog sa iya kwarto kag wala na sang kabuhi.
Gindala pa sa Assumption Hospital ang mamalidha apang gindeklarar nga dead-on-arrival.
Si Acop ang nagserbe bilang vice chairperson sang House Quad Committee (QuadComm) nga nag-imbestigar sa kaso sang Philippine Offshore Gaming Operators kag war on drugs sang Duterte administration.
Antes nagpadalagan sa public office, nangin Chief Director man sia sang Philippine National Police-Criminal Investigation and Detection Group.
