Ginsiguro ni House Deputy Speaker Janette Garin nga nagapadayon ang trabaho sang Kongreso sa paghanda sang national budget kag mga tikang para sa posible nga epekto sang Super El Niño sa pihak sang impeachment trial ni Vice President Sara Duterte.
Suno kay Garin, wala ginapabay-an sang mga mamalidha ang ila mga katungdanan bangud lamang sa trial.
Suno diri, gasanto sa schedule ang preparasyon sang mga gina-propose nga hagna, kalakip ang national budget kag ang nahanungod sa El Niño.
Ginpaathag man ni Garin nga wala gingusto sang Kongreso ang impeachment proceedings, apang ila katungdanan nga masabat ang mga reklamo nga gin-file santo sa Konstitusyon.
Suno kay Garin, indi dapat mag-untat ang iban nga buluhaton sang gobyerno samtang nagapadayon ang trial.
Sa pihak nga bahin, nagpaandam ang PAGASA nga mahimo maglawig ang Super El Niño tubtob sa una nga bahin sang 2027, nga posible magtuga sang kakulangan sa ulan, drought, kag kakulangan sa suplay sang tubig sa pila ka mga lugar.
Nagahanda naman ang gobyerno sang mga tikang agud maproteksyunan ang suplay sang pagkaon kag tubig kag mabuligan ang mga mangunguma.
