Nagpasar sang duha ka resolusyon ang Kamara nga nagadayaw kag nagapanginbulahan kay Lea Salonga kasunod sang pag-angkon sini sang iya Hollywood Walk of Fame star.
Si Salonga ang naghimo sang maragtas bilang pinakauna nga Filipino artist nga nakabaton sang amo nga kadungganan.
Sanday Representatives Lani Revilla, Jolo Revilla, kag Bryan Revilla ang nag-file sang House Resolution 1431, samtang si Rep. Eric Olivarez naman ang nagpasar sang House Resolution 1442.
Ang duha ka resolusyon ang gin-refer na sa House Special Committee on Creative Industries.
Nakilala si Salonga bilang “Broadway Diva” bangud sang iya dalayawon nga mga performance sa Broadway kag bilang singing voice sang Disney Princesses nga sanday Jasmine kag Mulan.
Siya ang ika-2,855 nga artist nga nakabaton sang Hollywood Walk of Fame star.
