Ginpahayag ni DILG Secretary Jonvic Remulla nga ginlantaw anay ni former Department of Public Works and Highways (DPWH) Undersecretary Catalina Cabral ang pil-as sa Tuba, Benguet antes ini nagdesisyon nga utason ang iya kabuhi.
Sa imbestigayson ni Sec. Remulla natukiban nga nag-hingyo si Cabral sa driver nga magpundo anay sa lugar antes magpadayon sa ila kadtuan sa Baguio City.
Suno diri, nakit-an pa ang mga ini sang mga pulis kag ginsaway nga indi pwede mag-park didto rason nga nagdiretso nalang sila sa hotel.
Suno kay Remulla, sang nagbalik si Cabral sa nasambit nga pil-as ginsiguro sini nga mangin fatal ang pagtupa sini bangud may 30 metros ini nga kadalumon.
Madumduman nga nagresign si Cabral sa DPWH sang nakaligad nga Setyembre matapos ang imbestigasyon sang kongreso angot sa mga anomaliya sa flood control projects.
Samtang, naggwa man sa autopsy result nga wala sang sinyales sang foul play bangud wala man sang ligature marks ukon sinyales nga ginkuga kag wala man sang sinyales nga gintiro ukon ginbuno.
Makita man sa autopsy nga tuman ang impact sini sang pagkahulog halin sa mataas nga lugar rason sang iya kamatayon.
Dugang pa ni Remulla, wala man ini sang may nakaaway ukon palatandaan nga nagbato antes napatay.
