Kamatayon sang lima ka tuig nga bata sa Barangay Handumanan, Bacolod City wala sang foul play suno sa Bacolod City Police Office

Wala sang foul play nga nakita ang Bacolod City Police Office sa pagkapatay sang lima ka tuig nga bata nga nasapwan nga wala na sang kabuhi sa sa sapa sang Prk Sto Domingo, Barangay Handumanan, Bacolod City.

Ang bata ang nadula sang Disyembre 21, Sabado kag nasapwan sang Disyembre 28, Sabado man nga adlaw.

Sa interview sang Bombo Radyo Bacolod kay Police Col. Joeresty Coronica, city director sang Bacolod City Police Office, santo sa autopsy nga ginconduct, wala sang foul play kag ginalantaw nga ang mga lagob nga naangkon sini ang bangod sa iya pagka-anod.

Ginapatihan nga nagpasuba ang bata kag nahulog sa suba nga may mataas nga tubig bangod sa pagbaha.