Wala sang nakita nga foul play ang mga kapulisan sa kamatayon sang isa ka senior citizen nga lalaki nga nasapwan sa suba sa Sitio Plume, Barangay Guadalupe, San Carlos City, Negros Occidental sang September 27 sang aga.
Ginkilala ang biktima kay alyas Fernando, 79 anyos kag residente sang nasambit nga lugar.
Siya ang wala na sang kabuhi sang nasapwan nga naga utaw utaw sa suba.
Sa interview sang Bombo Radyo Bacolod kay Police Captain Rodney Sarona, Deputy Chief of Police sang San Carlos City Police Station, wala sang foul play sa kamatayon sang biktima bangud sa nagwa sa imbestigasyon ang biktima ang nagpangahoy sang temprano pa kag aksidente nga nakadanlog kag nalumos sa suba.
Suno kay Sarona, wala man sang nakita nga signs of struggling.
Ang biktima ang nadula sang September 26 kag nasapwan sang September 27 sa suba nga wala na sang kabuhi.
