Kampanya batok sa makamamatay nga dengue sa ciudad sang Bacolod, mas ginpasanyog pa

Mas ginpasanyog pa sang Bacolod City Health Office ang kampanya kontra sa dengue.

Suno kay Dr Ava Joy Infante, Officer in Charge sang CHO, nagdangat na sa 2,077 ang total case sang dengue sa ciudad humalin sang Enero 1 tubtob Oktibre 26 subong nga tuig.

Ang may pinakamataas nga numero sa kaso sang dengue amo ang sa Brgy Taculing nga may 243 dengue case, Brgy Bata nga may 168 dengue case, Brgy Mansilingan nga may 165, Brgy Estefania nga may 160, kag Brgy Villamonte nga may 134 ka dengue case.

Sa karun yara sa lima ang narekord nga napatay sa ciudad bangod sa nasambit nga balatian.