Natalana nga maga-file sang mosyon ang kampo ni Batangas Representative Leandro Leviste angot sa arrest warrant nga gin-isyu batok sa iya, suno sa iya nga spokesperson nga si Atty. Tony La Viña.
Ini ang kasunod sang pag-issue sang korte sa Makati sang warrant of arrest batok sa mamalidha sa gin-alegar bayolasyon sa Public Service Act.
Ginpanugyanan naman ni Leviste ang iya mga taga-suporta nga indi magkabalaka sa iya.
Suno kay La Viña, yara gihapon si Leviste sa France.
Ginpamangkot naman si La Viña kun mahimo makapiyansa ang mamalidha apisar yara sa luwas sang pungsod, suno diri, sa iya nga ihibalo dapat personal nga magtambong ang akusado sa korte.
Madumduman nga ginpanginwala sang kongresista ang tanan nga mga alegasyon batok sa iya kag ginsiling nga wala ini tanan sang basehan.
