Nagpropose ang defense team ni former President Rodrigo Duterte sang hugot nga mga pagsulundan sa pagtumod sang ginaalegar mga biktima sang iya war on drugs kag sang ila mga abogado suno sa isa ka dokumento nga ginpasa sa Pre-Trial Chamber sang International Criminal Court.
Suno sa lead counsel ni Duterte nga si Nicholas Kaufman, dapat mag-insist ang korte sa paggamit sang isa ka “national identity card and or a passport containing an up-to-date photograph.”
Kun wala sini, nagsuhestiyon ang defense nga ang chamber ang dapat magrequire sang identification documents nga ginabaton sa staggered fashion nga ginmando sang social security system.
Ang paggamit sang “insufficiently verified” identification documents ang posible makalead sa misidentification, double counting kag inclusion sang false victims nga posible makadrag sang proceedings suno sa Defense Observations on Registry Filing.
Suno kay Kaufman, wala nangin madinalag-on ang ICC registry sa pag-eksplekar sang deviation sa victim identification bangud sa isa ka backlog sa distribution sang national identity cards.
