Ginpahayag sang kampo ni Vice President Sara Duterte nga handa sila nga atubangon ang natuhoy sa pag-subpoena sang bank kag tax records sang Bise Presidente.
Suno sa spokesperson sang defense team nga si Atty. Michael Poa, wala sila nagpamatok sa nasambit nga tikang.
Suno diri, luyag lamang nila nga masiguro nga ang mga tikang ang nagakaigo sa Konstitusyon, sa layi, kag sa mga pagsulondan sa korte.
Dugang pa ni Poa, ginalauman na nila ang posibilidad nga pahanugutan sang impeachment court ang pagkuha sang mga dokumento.
Suno kay Poa, handa man sila nga pamatud-an nga wala sang basehan ang alegasyon sang gina-alegar unexplained wealth ni VP Sara.
Kalakip sa mga ginpadal-an sang subpoena ang Bureau of Internal Revenue (BIR), Anti-Money Laundering Council (AMLC), kag pila ka mga bangko.
Tubtob Hulyo 30 ang gintalana nga deadline para isumiter ang mga gina-request nga dokumento sang impeachment court.
