Nag-file sang urgent motion to quash ang kampo sang ginbansagan nga Yanson 4 may kaangtanan sa kaso nga grave coercion nga ila ginaatubang kasunod sang konflikto sa tunga sang mag-ulutod nga nagapanag-iya sang biggest bus company in the Philippines.
Kadungan sini, ginpanginwala sang legal counsel sang Yanson 4 nga si Atty. Shiela Sison nga may warrant of arrest batok kanday Emily Yanson, Ricardo Yanson Jr., Roy Yanson kag Ma. Lourdes Celina Lopez sang nagkadto sa ila balay ang mga miyembro sang Criminal Investigation and Detection Group sang weekend.
Sa interview sang Bombo Radyo kay Sison, ginpanindugan sini nga wala pa ang warrant of arrest sang Domingo bangud sang Biyernes lang ginpatigayon ang hearing kaangot sa motion to suspend the proceedings and hold in abeyance sa issuance sang warrant of arrest nga gin-file sang March 9 bangud sa duha ka mga grounds.
Ginkasubo man sini ang intent sang mga pulis nga iharass ang ila kliyente bangud sirado ang korte kun Domingo kag indi makapyansa.
Suno kay Sison, ang issuance sang warrant of arrest ang wala nagakahulugan nga guilty ang ila kliyente kundi nakitaan lang sang judge sang probable cause ang kaso.
Nahibaluan nga magluwas sa Yanson 4, ginapadakop man sanday Jerica Leanne Ramos, Jerina Louise Ramos, Ma. Judy Alcala, Police Brigadier General Noli Romana kag Police Col. Jomil John Trio.
Nagtalana naman ang korte sang P36,000 nga pyansa para sa ila temporaryo nga kahilwayan.
