Nagapabilin sa pwesto ang lima ka mga Filipino nga pinakamanggaranon sa Forbes List of Philippines subong nga tuig.
Nagapanguna sa gihapon sa pwesto ang mag-ulutod nga Sy nga sanday Teresita, Elizabeth, Henry Jr, Hans, Herbert kag Harley nga may total net worth nga 11.8 billion dollars.
Ikaduha sa pwesto si Casino Tycoon Enrique Razon Jr. nga may 11.5 billion dollars net worth.
Ikatatlo naman si Manuel Villar nga may 11 billion dollars net worth.
Sadtong Agosto 7, si Villar lang ang naga-isahanon nga Pilipino nga nakasulod sa Top 100 sang Bloomberg Billionaires Index nga isa ka ranking sang pinakamanggaranon nga mga indibidwal sa bug-os nga kalibutan kag ika 99 si Villar sa pwesto.
Ikaapat naman sa top 5 richest man sa Pilipinas si Ramon Ang nga may net worth nga 3.75 billion dollars kag ika lima si Isidrio Consunji nga may 3.6 billion dollars networth.
