Ginpahayag sang provincial election supervisor sang Negros Occidental nga mahimo makawithdraw sang ila kandidatura ang mga nagfile sang Certificate of Candidacy bisan ano nga oras.
Sa interview sang Bombo Radyo Bacolod kay Atty. Ian Lee Ananoria, mahimo makawithdraw bisan ano nga oras apang ang substitution ang nalimit lamang sa mga may Partido ukon may valid nga Certificate of Nomination and Acceptance (CONA) kag limitado lamang sa napatay ang kandidato ukon nadisqualify bangud natapos na ang COC filing period.
Suno kay Ananoria, ang mga independent nga aspirants ang indi na mahimo makapasubstitute apang mahimo nga makawithdraw.
Kahapon, ginpatigayon na ang Election Registration Board (ERB) hearings agud nga macounter check ang mga bag-o ga nagparehistro, nagpatransfer kag nagpabag-o sang ila mga address.
Sa nasambit man nga hearing mahibaluan ang opisyal nga listahan sang mga botante.
