Nagpagwa sang 6,367 tonelada sang volcanic sulfur dioxide sang Sabado ang Bulkang Kanlaon kun sa diin ini ang ikatatlo nga pinakamataas nga
SO2 emission sa tuig 2024, suno sa Philippine Institute of Volcanology and Seismology (PHIVOLCS).
Ginreport nga ang SO2 fumes sa pila ka barangay sa Murcia, Negros Occidental.
Nakahimo man ang Kanlaon sang 700-meter steam-rich plumes nga tuga sang mabaskog nga degassing activity nagikan sa summit crater.
Nakarecord man ang PHIVOLCS sang average nga siyam ka volcanic earthquakes kada adlaw humalin sang naglupok ini kag mahinay apang padayon nga inflation kag pressurization sang edifice humalin sadtong Marso 2022.
Yara sa idalom sang Alert Level 2 ang Bulkan Kanlaon kun sa diin nagakahulugan nga mataas ang posibilidad sang paglupok ukon delikado nga magmatic eruptions nagikan sa summit crater.
Gin-abisuhan naman ang publiko nga likawan ang four-kilometer Permanent Danger Zone (PDZ) kag padayon nga mag-aligmat.
