Kanselado sa gihapon ang byahe sang vessels nga may gross tonnage nga 250 kag panaog samtang padayon naman ang byahe sang mga fastcraft vessels.
Santo sa Sea Travel Advisory No.8 sang Coast Guard Station Northern Negros Occidental, may temporary suspension sa vessels nga may GT nga 250 and below.
Kanselado ang byahe sang MV City of Zamboanga kag City of Angeles nga may ruta nga Bacolod Iloilo; MV Aznar Water Taxi-1 sa ruta nga San Carlos-Toledo; MV Kan-ugong 1 kag MV Reiseschatz-1 sa ruta nga Pulupandan -Guimaras; MV Balt Bep Expediiton kag Journey nga may ruta nga Cadiz kag Bantayan.
Sa interview sang Bombo Radyo Bacolod kay Commander Jansen Benjamin, padayon naman ang byahe sang fastcraft vessels kag Roll on Roll Off vessel.// Suno diri, ang suspension ang bangod sa dalagko nga pagbalod sa kadagatan nga indi masarangan sang magagmay nga vessels.
Panugyan sini sa mga pasahero nga magbantay sa weather forecast kasubong man nga ginpaandaman sini ang mga manugpangisda nga likawan ang pagpanagat bangod sa makusog nga hangin nga may pag-ulan kag dalagko nga pagbalod.
