Apisar nga sila ang preparado madayun man ukon indi ang special election sa 3rd Legislative District sang Negros Oriental, ginakabig ni Pamplona Mayor Janice Degamo nga blessing in disguise ang desisyon sang Commission on Election nga ikanselar ang piniliay.
Sa interview sang Bombo Radyo Bacolod kay Mayor Degamo, nanindugan ini nga wala sang problema sa iya kun madayun man ukon indi ang special election bangod preparado ang ila nga kampo.
Dugang pa sini nga bisan indi ini magapapili bangod siya ang indi rehistrado nga botante sa 3rd District, madamo man sila sang kaalyado nga luyag magpapili para sa pwesto.
Sa desisyon sang cancellation, ginakabig ni Degamo nga disbentaha ang pagkadula sang oportunidad nga madaog ang pagpamuno sa 3rd District, apang ang cancellation ang nakita man sini nga bentaha agud sila ang makadesisyon sang maayo kun sin-o ang padalaganon sa pwesto.
Nagapati ang alkalde nga may ginapanguyatan nga datos ang Comelec sa desisyon sang cancellation bangod sa gina-alegar threat, gani ginarespeto sini kun ano man ang desisyon.
Wala naman ini nagapati sa alegasyon nga ang desisyonsang Comelec ang napabaskog sang resolusyon sang House of Representative bangod nakita na sang Kamara nga dako ang tyansa na Former Negros Oriental Governor Pryde Henry Teves, ang utod ni expelled 3rd District Representative Arnolfo “Arnie” Teves.
Nahibaluan nga sa tatlo nga nagfile sang certificate of candidacy para sa blangko nga pwesto, si Pryde lamang ang nakita nga may pinakadako nga tyansa nag magdaog.
Apang panindugan ni Degamo nga ang special election ang makabig test of character bangod kilala na sang mga pumuluyo ang personalidad sang nagapapili.
Ginalantaw naman sang alkalde nga maayo nga butang ang pagtestify sadto sang siyam ka mga alkalde sa probinsya nga nagduso sang postponement sang Barangay and Sangguniang Kabataan Election nga nag-alarma sa Comelec.
Wala naman napaslawan ang pagpaidalum sang Comelec Control sa Negros Oriental bangod nangin malinong man ang local elections.
Ginalantaw sini nga ang hugot nga monitoring sang Comelec man ang rasun sang cancellation para sa special elections, nga magahatag naman sa ila sang tyansa nga maplantsa pa ang plano sa pagpili sang nagakadapat magpapili bilang kongresista sa 3rd District sang Negros Oriental.
