Nagpatigayon sang committee hearing ang Sangguniang Panlungsod sang Bacolod para diskusyunan ang mabulig sa sitwasyon sang mga ambulant vendors sa Bacolod Economic Highway.
Sa pahayag ni Councilor Vladimir Gonzales, chairperson sang Committee on Trade, Commerce and Industry sang Sangguniang Panlungsod, ang Bacolod Economic Highway ang wala pa na-award sang Department of Public Works and Highways (DPWH) sa Bacolod City Government.
Gani sa karun nakadepende sa desisyon sang DPWH kun sila ang magapahanugot sa mga vendors.
Apang sa bahin sang Sangguniang Panlungsod, sila ang magabulig sa mga vendors pinaagi sa pagsugilanon sa tag-iya sang pribado nga duta malapit sa ginabaligyaan sang mga vendors nga ini ang parentahan.
Sa pihak sini, sila ang indi magcommit sa paghimo sang resolusyon bangod indi man sila magpasar sang pagpatuman maathag nga bayolasyon sa layi.
Ini bangod kun pahanugutan lamang nila ang padayun nga pagbaligya sa kilid sang dalan, ini ang magasupak naman sa road clearing nga ila ginapatuman sa iban nga lugar.
Suno kay Gonzales, nagaayo sila nga temporaryo anay nga pahanugutan sa lugar ang mga vendors samtang sila ang naganegosasyon pa sa private land owner.
Apang apisar nga magpahanugot ang private lot owner nga magparenta sa iya nga pwesto, ginalantaw nga magaserbe man gihapon nga obstruction ang pagpark sang mga salakyan sa outer lane sang Bacolod Economic Highway.
Sa karun 70 tubtob 75 porsyento na ang nahuman antes matapos ang nasambitan nga dalan.
