Nagakasubo ang mga kaparian sa ciudad sang Bacolod sa naglapta nga video sang babayi nga nagdupla sa holy water antes ang pagsulod sa simbahan sa Misamis Oriental.
Sa interview sang Bombo Radyo Bacolod kay Fr. Chris Gonzales, Kura Paroko sang Triumph of the Holy Cross Parish Bacolod, ang holy water nga ginapangurusan sa gwa simbahan ang pahanumdom sa mga katoliko nga sila ang anak sang Diyos paagi sa pagbunyag.
Apang ginakasubo sini nga may-ara kun kis-a sang mga indi katoliko nga nagasulod sa simbahan kag wala nagarespeto.
Panawagan ni Fr Chris nga imbes nga suyaan ukon bastuson, mas maayo nga magrespituhanay.
Dugang pa sa ginakasubo sang pari, ang makita nga mga social media influencers nga himuon ang tanan, kaangay sa indi pagrespeto sa pagtuo sang iban kag pagpasipala sa mga balaan kag sagrado nga butang, para lamang sa likes kag followers.
