Kapin 100 nga Pilipino sa Myanmar nga nagapuyo sa Mandalay, sayluhon sa Yangon

Kapin 100 ka mga Filipino nga nakabase sa Mandalay, ang pagasayluhon sa Yangon subong nga semana samtang nagapabilin nga unsafe ang ikaduha nga pinakamalapad nga ciudad sa Myanmar matapos ang pagtay-og sang magnitude 7.7 nga linog sang tinalikdan nga semana.

Suno sa Department of Foreign Affairs, sa 171 ka mga Filipino sa Mandalay, 97 ang naghingyo sa gobyerno sang Pilipinas nga sila ang sayluhon sa Yangon.

Ang Philippine Embassy sa Myanmar ang nagacoordinate sa karun sa mga buses para sa mga Filipino nga pagasayluhon sa Yangon.

Suno kay DFA Undersecretary Eduardo De Vega, indi safe ang sitwasyon sa Mandalay samtang indi naman apektado ang kalabanan sa mga Filipino sa Yangon.