Kapin P14.2 million nga balor sang suspected shabu ang na-recover sa isa ka High Value Individual (HVI kag Street Level Individual (SLI) sa ginpatigayon nga buy-bust operation sang Police Station 2 sa Purok Camonsil, Barangay 3, Bacolod City alas-2:59 kaina sang kaagahon, May 23.
Ginkilala ang mga subject person nga sanday alyas “John”, ginakabig nga HVI, 29-anyos, lalaki, wala sang asawa, painter nga residente sang nasambit nga lugar kag alyas “Mark”, SLI, 34-anyos, wala sang asawa, construction worker kag residente sang Purok GK, Barangay Cabug, Bacolod City.
Ang nakumpiskar nga ilegal nga druga ang ginabanta nagabug-at sa 2,100 grams nga may standard drug price nga P14,280,000.
Ang mga ini ang magapangatubang sang kaso nga paglapas sa Section 21 sang Republic Act No. 9165 ukon Comprehensive Dangerous Drugs Act of 2002.
