Kapin 150 ka persona, napatay sa pagtay-og sang magnitude 7.7 nga linog sa Myanmar kag Thailand kahapon

Nagdangat na sa malapit 150 ka mga persona ang nagkalamatay matapos gintay-og sang magnitude 7.7 nga linog ang Myanmar kag Thailand kahapon sang hapon.

Dinosena naman nag na-trap sa nagcollapse nga mga buildings kag ginalauman nga magasaka pa ang death toll.

Ang sentro sang linog ang yara sa naaminhan-nasidlangan sang ciudad sang Sagaing sa central Myanmar kag ginsundan sang isa ka 6.4 magnitude nga aftershock.

Ang linog ang gintunaan sang pagcollapse sang mga buildings kag taytay kag nagtuga man sang crack sa mga dalanon sa Myanmar, sa tunga sa isa ka civil war.

Suno kay Junta chief Min Aung Hlaing, 144 ka mga persona ang nagkalamatay samtang 732 naman ang kumpirmado nga napilasan.

Tatlo naman ka mga fatalities ang nakumpirmar sa Thailand.