Ginalauman naman sang Traffic Enforcement Unit sang Bacolod City Police Office nga magdangat sa 15,000 ang kabug-usan nga magapartisipar sa rally subong nga adlaw.
Sa interview sang Bombo Radyo Bacolod kay Police Major Elmer Bonilla, pinuno sang Traffic Enforcement Unit sang Bacolod City Police Office, Ang peace rally ang patigayunon sang tatlo ka grupo.
Ang una nga grupo ang maga-motorcade halin sa Bacolod City Public Plaza padulong sa Upper East alas-12:00 sang udto.
Ang ikaduha ang ginabug-usan naman sang religious groups nga magafoot parade gikan sa South Capitol Road padulong sa Upper East ala-1:00 sang hapon.
Ang ikatatlo nga grupo ang magapatigayon naman sang caravan sumugod alas-2:00 sang hapon nga magagikan gwa sang Bacolod City.
Ang ikatatlo nga grupo ang ginabug-usan sang grupo halin sa Northern Negros Occidental, Southern Negros Occidental kag Eastern Negros Occidental.
Okupahon man sang mga magaprotesta ang isa ka lane sang Upper East kag ang programa ang ginabanta magalawig tubtob alas-8:00 sang gab-i.
Suno kay Bonilla, may yara sang ideploy agud maderiher ang lakat sang motorcade kag mahatagan man sang ligwa ang nagalakat sa dalanon.
