Ginkumpirmar sang Vice President and Chief Operating Officer sang Negros Electric and Power Corporation (NEPC) nga kapin 18 days na ang nagaluntad nga power interruptions bangud sa ginapatigayon nga manual load dropping bangud sa mataas nga demand sa kuryente sa tion sang Summer season.
Sa interview sang Bombo Radyo Bacolod kay Engr. Joe-Mel S. Zaporteza, sa tion nga mag-declare ang National Grid Corporation of the Philippines sang red alert ukon may kakulangan sa supply sang kuryente.
Suno kay Zaporteza, bangud kulang ang supply halos nagadululungan ang pagluntad sang brown-out.
Suno pa diri, nagaimport pa sang supply sa Luzon kag Mindanao apang bangud sa linog sa Sarangani, Province sang June 8, naapektuhan man ang ginakuhaan sang supply sa Mindanao.
Suno pa kay Zaporteza, bangud sa tuman nga deficiency, ginakulang sa gihapon ang supply apisar sang gina-import.
Dugang pa sini nga ang supply ang rason ngaa nagasaka ang rate sang kuryente.
