Kapin sa 18 ka tawo ang napatay sa stampede sa isa ka railway station sa India kahapon sang nagdinaguso ang mga tawo para magsakay sa train padulong sa pinakadako nga religious gathering sa kalibutan.
Ang Kumbh Mela ang ginapadulongan sang milyones ka mga Hindu kada 12 ka tuig sa northern city sang Prayagraj.
Masami nga may nagaluntad nga crowd-related disasters sa kada selebrasyon kalakip na ang natabo nakaligad nga bulan kun sa diin kapin sa 30 ka tawo ang napatay sa nagluntad man nga stampede.
Santo sa report, may kapin sa 18 na ang napatay kun sa diin kalabanan diri ang mga babayi kag bata samtang masobra sa 10 naman ang pilason.
Suno kay Railways minister Ashwini Vaishnaw, nagdinaguso ang mga tawo kun sa diin iban ang nagkaladagdag sa escalator kag hagdan.
Sa karun may yara na sang gindugang nga mga trains kag may gindeploy na mga disaster management personnel samtang nakahanda naman ang mga ospital.
Ang Kumbh Mela ang ginaselebrar sa sulod sang anum ka semana, ini ang magatakop sa Pebrero 26.
