Masobra 500,000 ka pamilya nga Filipino ukon kapin duha ka million nga indibidwal ang naapektuhan sang southwest monsoon kag paglaslas sang tropical cyclones “Crising”, “Emong” kag “Dante” as of 6:00 PM sang Hulyo 23.
Suno sa National Disaster Risk Reduction and Management Council, 27,682 ka pamilya ang nagatinir sa sulod sang evacuation centers samtang 11,881 ang nagserbi sagwa.
Nakabaton man ini sang reports sang pito ka fatalities, pito ka pilason kag walo ka missing persons.
Ang nasambit nga mga figures ang lain sang sa mga ginhatag sang iban nga ahensya.
Kabug-usan nga 418 ka mga areas sa palibot sang pungsod ang nagapabilin nga ginabaha samtang nagsubside na ang tubig baha sa 226 ka mga lokasyon.
Ginpahayag sang NDRRMC nga 30 ka mga ciudad kag munisipalidad ang nagdeklarar sang isa ka state of calamity bangud sa impact sang malain nga tiyempo.
