Kapin 20 ka mga balay ang gintupok sang kalayo sa sunog nga nagluntad sa North Reclamation Area sa Barangay Mabolo, Cebu City.
Suno kay Bureau of Fire Protection (BFP) Cebu City spokesperson Senior Fire Officer 2 Wendell Villanueva, ang sunog ang nag-umpisa kapin alas-9:00 kagab-i gikan sa oil depot.
Ginpasaka sa fourth alarm ang sunog kag nadeklarar nga fireout alas-11:00 kagab-i.
Suno kay Villanueva, ang building kun sa diin nag-umpisa ang kalayo ang ginagamit sa pagstore sang petroleum.
Ginkinahanglan nga maggamit sang mga bombero sang special equipment agud makontrolar ang kalayo, ilabi na nga nadetect ang mataas nga ammonia levels sa lugar.
Kalakip man sa mga ginlamon sang kalayo ang mga oil tankers.
Suno kay Villanueva, nakakita man ang mga bombero sang bariles sang diesel fuel nga nakastore sa site.
Gin-evacuate naman ang mga guests sa kalapit nga hotel bangod sa madasig nga paglapta sang kalayo.
Sa inisyal nga report, nagdangat sa 20 ka mga balay ang totally burned bangod sa sunog.
Suno kay Villanueva nga ang balor sang kahalitan ang ginabanta nga nagdangat sa P3.857 million.
Padayun man ang imbestigasayon sang BFP sa pagtumod sa gintunaan sang sunog.
Suno diri, sila ang yara sa heightened alert status bangod sa Sinulog Festival.
