Kapin 20 ka Job Order kag Contract of Service Employees sang Negros Occidental Provincial Capitol ang ginlay-off bangod sa masami nga late, absent ukon indi dedikado nga nagatrabaho.
Suno kay Provincial Administrator Atty Rayfrando Diaz, santo sa ginpasa sang mga division kag department heads, may kapin 20 ka mga empleyado sang capitol ang ila ginrekomenda nga may mga violations, absences, tardiness kag lack of dedication sa pagtrabaho.
Suno diri, wala man ginpahalin sang gilayon ang mga ini, apang pagahulton na lang nga mag-expire ang ila nga kontrata kag indi na sila maka-renew.
Suno kay Diaz, makapila na sila maghatag sang warnings apang wala sang mga ini sa gihapon nalab-ot ang standard.
Luyag man ni Diaz nga ihatag ang kapin 20 ka pwesto nga halinan sang mga ginlay-off, sa mas takos nga maka-angkon sang trabaho.
