Malapit 200 ka mga Filipino ang naapektuhan sang malapad nga wildfires na nagalapta sa palibot sang Los Angeles, California, rason kun ngaa nagmando si President Ferdinand Marcos Jr. sa Philippine consulate nga maghatag sang suporta suno kay Philippine Ambassador to the US Jose Manuel Romualdez.
Ginreport ni Philippine Consul General sa Los Angeles Adelio Angelito Cruz nga 191 ka mga Filipino ang naapektuhan sang sunog apang ginalauman pa ang pagsaka sang numero bangud padayon nga nagadamo ang numero sang mga persona nga nagapangayo sang bulig.
Suno diri, 191 sa karun ang yara sa ila tally samtang 12 naman ka pamilya ang nagcontact sa ila.
Suno kay Cruz, ila ginalauman nga magapadayon sa pagsaka ang numero sa masunod nga mga inadlaw.
Nagpasalig naman ini nga safe ang apektado nga mga pamilya kag nagatinir sa karun sa mga evacuation centers sa LA County kun sa diin sila ang nagabaton sang pagkaon kag essential supplies.
