Nagsugod na ang deployment sang mga uniformed personnel sa 46th Masskara Festival.
Kahapon ginpatigayon na ang send-off ceremony ang Bacolod City Police Office para sa deployment sang police personnel sa Masskara Festival 2025.
Ang nasambit nga seremonya ang ginpangunahan ni BCPO Director Police Col. Joeresty Coronica.
Nagtambong sa send-off ceremony si Police Col. Dennis Esguerra, acting deputy regional director for administration sang Police Regional Office – Negros Island Region (PRO-NIR), nga nangin tiglawas ni PRO-NIR Director Police Brig. Gen. Arnold Thomas.
Kabug-usan nga 2,495 security forces ang gindeploy agud nga magsiguro sang peace and order sa 19 ka adlaw nga selebrasyon sang Bacolod MassKara Festival nga opisyal nga pagabuksan subong nga adlaw, Oktubre 1.
Sa pahayag ni Coronica, nagdesisyon si Bacolod City Mayor Greg Gasataya nga indi na magpatuman sang gun ban kag signal jamming sa bug-os nga duration sang selebrasyon.
Suno kay Coronica, may ipatuman nga border control sa ciudad sang Bacolod kadungan sang kapiyestahan.
Samtang, ang paggamit naman sang drones ang dapat coordinated sa BCPO.
