Naobserbahan naman sang Philippine Institute of Volcanology and Seismology (PHIVOLCS) ang ash emission sa Bulkan Kanlaon kahapon nga nagdugay sang 30 minutos.
Sa interview sang Bombo Radyo Bacolod kay Pearly Sianson, resident volcanologist sang PHIVOLCS Kanlaon Volcano observatory sa La Carlota City, Negros Occidental, ang ash emission ang naglab-ot sa 750 meters ang kataason kag ginpalid sa northeast nga direction.
Suno kay Sianson wala pa sila sang may nabaton nga report sang mga lugar nga naapektuhan sang ash emissions sang nasambit nga bulkan.
Suno diri nagapadayon man ang degassing kun sa diin nagdangat sa 4,827 tonnes kada adlaw kun sa diin mas mataas sa gihapon sa 300 tonnes per day nga date line sang PHIVOLCS.
Sang Sabado narecord ang lima ka volcanic quakes samtang tatlo naman ang narecord kahapon.
Suno kay Sianson ang mga volcanic quakes ang mahina lamang kag ang machine lamang sang PHIVOLCS ang makadetect sini.
Ginpahayag man nga nakadepende sa paghulag sang Magma kag pagbuka sang bato sa dalum sang bulkan ang aktibidad sini.
