NIGERIA- Kapin 30 ang napatay kag pila pa ka mga indibidwal ang gin-abduct sang gin-atake sang armado nga mga tawo ang isa ka merkado sa Niger State sa Nigeria sang Domingo, Enero 4, 2026.
Suno kay Wasiu Abiodun, spokesperson sang police, ang gunmen nga ginatawag sa ila lugar nga bandido ang nagsulod sa Kasuwan Daji market sa Demo village, alas 4:30 ang takna sang hapon kun sa diin ginpangsunog ang mga stalls kag nagpangawat sang mga pagkaon.
Suno sa saksi ang mga armado nga persona ang nag-abot sakay sa motorsiklo kag nagpinalupok sang dala nga armas-luthang.
Dugang pa sang mga ini nga kalakasan ang kabahin sang asod-asod nga raid nga nag-umpisa sang Biyernes sa kaingod nga mga villages sang Agwarra kag Borgu.
Ginpahayag ni Nigerian President Bola Tinubu sang Domingo nga ginmanduan na sini ang mga otoridad nga pangitaon ang mga responsable sa pagpang-atake.
Nagluntad ang pagpang-atake matapos gindakop sang mga armado nga mga tawo ang masobra sa 300 ka mga kabataan kag staff sang Catholic school sa isa ka estado sa central Nigeria.
Ang mga biktima ang ginbuy-an man matapos ang kapin isa ka bulan gikan sa pagkadakop.
