Indi magnubo sa 4,000 ka mga overseas Filipino workers nga padulong kuntani sa Hong Kong ang stranded sa karun bangud sa paglapta sang Omicron variant sa nasambit nga pungsod.
Suno kay Dolly Uanang, presidente sang Society of Hong Kong Accredited Recruiters of the Philippines (SHARP), may yara ang mga ini sang exit pass nga ginproseso sang POEA, para sa mga may ticket na kag may yara naman sang mga nakabook na sang quarantine rooms.
Suno sa iya, may mag OFW nga dapat magalupad na apang naabtan ang mga ini sang expiration sang ila mga visa.
Suno kay Uanang, ang mga OEC sang mga ini kag exit pass nagikan sa POEA ang indi naman apektado bangud apisar nga tatlo ka bulan ang validity sini, sarang paman ini nga magamit.
Ang problema lamang suno sa iya bangud ang mga visa nila sa Hong Kong ang nagasugod na nga mag-expire.
Masobra 200,000 ka mga Filipinos ang nagatinir sa karun sa Hong Kong suno sa Hong Kong Immigration wesbite.
Wala naman ang may nareport nga OFW sa Hong Kong nga naapektuhan sang Omicron variant sang COVID-19.
