Arestado ang duha ka indibiwal matapos nga may nakita nga gina-alegar smuggled nga sigarilyo sa ila nga salakyan sa port sa Dumaguete City, Negros Oriental.
Sa interview sang Bombo Radyo Bacolod kay Lt. Junior Grade Ronnielyn Lapitan,spokesperson sang Coast Guard Station Northern Negros Occidental, kahapon sang aga na-intercept sang mga Coast Guard personnel ang isa ka truck nga gina-alegar may karga sang illicit cigarettes sa Dumaguete Port nga magatabok sa Siquijor.
Suno kay Lapitan, kapin 50 ka boxes nga smuggled cigarettes ang nakarga sa truck kaupod nga nakakarga ang inugbaliya nga ukay-ukay.
Suno diri, ang Bureau of Customs ang nag-hold sa truck kag nagapadayon pa ang inventory kag imbestigasyon.
Naintercept ini sang mga otoridad ang truck matapos nakabaton sang intel report nga may yara sang i-transport nga smuggled cigarette.
Bangud sini gilayon man nga nagresponde ang Coast Guard sa Dumaguete apang ang salakyan ang una na nga naintercept sang Bureau of Customs.
Suno pa kay Lapitan, ginpahayag sang duha ka mga arestado nga halin sila sa Negros kag magatabok sa Siquijor.
Wala man ang mga ini sang ginpagwa sang statement kun nakahibalo sila nga may karga ang mga ini nga illicit cigarettes.
Ang duha ang ginkustodiya sang mga otoridad.
