Preparado na ang Philippine National Police sa ila seguridad para sa ginalauman nga mass protest sang nagkalain-lain nga grupo sang Domingo, Setyembre 21.
Ini agud masiguro ang peace and order sang tanan sa nasambit nga adlaw.
Sa official statement nga ginpagwa, ginpalab-ot ni PNP Acting Chief, Police Lieutenant General Jose Melencio Nartatez Jr., ang ila preparasyon kag lapnagon nga deployment sang ila mga personnel.
Suno diri, kapin 50,000 ka mga pulis ang ila ginpalapta sa nagkalain-lain nga lugar agud magbantay, magmonitor kag siguruhon ang seguridad sang tanan nga mga pumuluyo.
Nalakip sa mga detalye nga ginpakigbahin sang PNP ang pagpalapta sang kapin 10,000 ka mga pulis nga gin-assign sa mga fixed visibility posts sa nagkalain-lain nga strategic locations.
