PRAYAGRAJ, India- Indi magnubo sa pito ang napatay samtang kapin napulo ang nasamaran sa nagluntad nga stampede sa Maha Kumbh Mela sa northern India.
Ini matapos nga nagtipon ang minilyon ka mga pumuluyo para sa holy dip sa most auspicious day sa anum ka semana nga Hindu festival.
Nagluntad ang stampede mga ala 1:00 tubtob alas 2:00 ang takna sang kaagahon oras sa India malapit sa arena sang ascetics kun sa diin ang ginbutang ang mga barikada agud nga macontrol ang kadamuon sang tawo sa tion sang holy dip.
Ini suno kay Yogi Adityanath, chief minister sa Uttar Pradesh state kun sa diin nahamtang ang Prayagraj.
Nagpost naman sa social media si Prime Minister Narendra Modi, nga nagpadangat sang pakig-unong sa mga deboto nga napatyan sang himata apang wala naspecify kun pila ang mga napatay.
