Ginkompirmar sang pinuno sang Inter-Agency Task Force against Covid-19 sang Bacolod City nga may yara sang mag-asawa sa Barangay 14 nga positibo sa Covid-19.
Sa interview sang Bombo Radyo Bacolod kay Vice Mayor El Cid Familiaran, ginpahayag sini nga ang mag-asawa ang naka-admit sa ospital bangud nagbata ang asawa kag Standard Operating Procedure (SOP) sang ospital nga sa tion nga magpa-admit, igaswab ini.
Ang mag-asawa ang nagpositibo apang ang bata ang nagnegatibo.
Ginrecommend sang mga doctor nga ireswab ang bata bangud dako ang posibilidad nga magpositibo ini bangud positibo ang ginikanan.
Ang amay ang kargador sa isa ka bodega malapit sa bredco apang wala na ang mga ini nakapauli sa ila balay sa Brgy.14.
Ginpadulungan naman sini kaupod ang barangay officials sang Barangay 14 kag Barangay 13 kag ang personnel nagikan sa City Health Office (CHO) agud iseal-off ang lugar kag kapin 70 ka mga pamilya ang apektado.
Nagapadayon naman sa karun ang contact tracing.
Nagpanawagan man ini sang kooperasyon sang tanan bangud ang pandemya nga ginapangatubang ang indi lango-lango.
Nagpahanudom si Familiaran sang masami nga pagsuksok sang facemask, social distancing kag pagmintinar sang proper hygiene.
