Nagkalawas-ag ang mga smuggled nga sigarilyo matapos ma-intercept sang mga katapo sang Philippine Coast Guard sa Old port, Barangay Cartagena, Sipalay City, Negros Occidental.
Ang mga illicit cigarettes ang ginabanta nagadangat sa isa ka dump truck ang kadamuon.
Suno kay Lt Junior Grade James Carbajosa, commander sang Coast Guard Station Southern Negros Occidental, ang kadakuon sang bangka nga gikan pa sa Basilan ang yara sa 3 gross tonnage pasaka kag ini ang napuno sang smuggled nga sigarilyo.
Gilayon man nga nagpalagyo ang crew sang bangka kag ang mga nagahakot sang makita ang PCG personnel gani nagkalawasak ang mga karton sang sigarilyo.
Apang ginbilin sang mga ini ang bangka, tatlo ka salakyan nga mahimo kargahan kuntani kag ang mga karton sang sigarilyo.
Ang mga suspect ang nagpalagyo pasaka sa nabukid nga bahin sang lugar.
